Xitay bash ministiri wén jyabaw shimaliy koriyini ziyaret qildi

Xitay bash ministiri wénjyabaw yekshenbe küni shimaliy koriyige qaratqan resmiy ziyaritini bashlidi. Xelq'ara jem'iyetning diqqitini jelp qilghan mezkur ziyarette ikki dölet rehberlirining asasliqi yadro qoralliri mesilisini muzakire qilidighanliqi perez qilin'ghan idi.
Muxbirimiz ümidwar
2009.10.04

Birleshme agéntliqining xewer qilishiche, shimaliy koriye rehbiri kim jong'il özi mexsus ayrodromgha chiqip, wén jyabawni kütüwalghan we ikkisi yuqiri qizghinliq bilen quchaqliship körüshken.

B b s agéntliqining xewer qilishiche, pyongyang wén jyabawning bu qétimqi ziyaritige alahide ehmiyet bergen bolup, xitay we shimaliy koriye bash ministirliri deslepki qedemde söhbet ötküzgen. Shimaliy koriye terep özlirining yadro qoralliri pilani mesiliside ikki terep we köp terep söhbiti ötküzüsh terepdari ikenlikini bildürgen.

Nöwettiki jiddiy mesile shimaliy koriyini yadrosizlandurush bolup, piyongyangning bir qanche qétimliq yadro qoralliri siniqi xelq'ara jem'iyetni endishige salghan shuningdek alte terep söhbiti netijige érishelmey kelgen idi.

Shimaliy koriyining yadro pilanida xitayning muhim tesir küchige ige ikenliki melum. Pyongyang bilen béyjingning diplomatik munasiwet ornatqanliqigha 60 yil toshqan bolup, ilgiri kéyin xitay bash ministirliri shimaliy koriyini 18 qétim ziyaret qilghan.

Wénjyabawning bu ziyariti shimaliy koriye bilen xitayning diplomatik munasiwet ornatqanliqining 60 yilliqigha munasiwetlik xatirilesh pa'aliyitining bir qisimi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.