خىتاي خاككېرلىرىنىڭ كۆپ قىسمىنىڭ خىتاي ئازادلىق ئارمىيىسىگە چېتىشلىق ئىكەنلىكى ئاشكارىلاندى

«ۋالل سترەئەت» ژۇرنىلىدا سەيشەنبە كۈنى ئېلان قىلىنغان، «ئامېرىكا ھويلىسىدىكى خىتاي ئىشپىيونلىرى» ناملىق ماقالىدە، ئامېرىكىدىكى ھۆكۈمەت ئورگانلىرى ھەم سودا شىركەتلىرىنىڭ تور بېكەتلىرىدىكى ماتېرىيال ئامبارلىرىغا ھۇجۇم قىلىۋاتقان خاككېرلارنىڭ زور كۆپچىلىكىنىڭ بىۋاسىتە ھالدا خىتاي ئازادلىق ئارمىيىسىگە چېتىشلىق ئىكەنلىكى ئاشكارىلاندى.
مۇخبىرىمىز مېھرىبان
2011-12-13
Share

ماقالىدە بايان قىلىنىشىچە، ئىنتېرنېت ئارقىلىق ئامېرىكىنىڭ ھۆكۈمەت ئورگانلىرى ھەم سودا شىركەتلىرىنىڭ ئۇچۇرلىرىنى ئوغرىلايدىغان خىتاي خاككېرلىرى 20 گە يەتكەن. تەكشۈرۈش نەتىجىسىدە، بۇلارنىڭ ئىچىدە 12 سىنىڭ خىتاينىڭ ئازادلىق ئارمىيە ئورگانلىرى بىلەن بىۋاسىتە چېتىشلىق ئىكەنلىكى، 6 خاككېرنىڭ خىتايدىكى ئۇنىۋېرسىتېتلار بىلەن مۇناسىۋىتى بارلىقى ئېنىقلانغان. يەنە قالغان ئىككىسىنىڭ خىتاي ئارمىيىسى بىلەن مۇناسىۋىتى بار يوقلۇقى ئېنىقلىنىش باسقۇچىدا ئىكەن.

 ئامېرىكا بىخەتەرلىك ئىدارىسىنىڭ خادىمى جامېس لېۋىسنىڭ «ۋالل سترېئېت» ژۇرنىلىغا بىلدۈرۈشىچە، ئامېرىكا جاسۇسلۇققا قارشى ئىدارىسى توپلانغان ئۇچۇرلارغا ئاساسەن، خىتايدىن كەلگەن ئىنتېرنېت خاككېرلىرىغا قارشى ھەرىكەت قوللىنىشقا ھازىرلانغان.

باشقا خەۋەرلەردىن ئاشكارىلىنىشىچە، ئامېرىكىنىڭ دۆلەت بىخەتەرلىكىنى قوغداش تارماقلىرى خاككېرلارنىڭ تور ھۇجۇمىغا قارىتا زەربە بېرىش ئىقتىدارىغا ئىگە بولۇپ، ئامېرىكىنىڭ مەخپىيەتلىكىنى ئوغرىلىغان خاككېرلارنىڭ تۇرغان جايىنى ئېنىقلاپ، بىۋاسىتە ھالدا قايتۇرما زەربە بېرەلەيدىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت