Xitay xotenning qara qurum taghliq rayonida ilmiy tekshürüsh pa'aliyiti bashlap uzun ötmey tuyuqsiz toxtatti

Xitay da'iriliri 3 ‏- séntebir küni xotenning qara qurum taghliq rayonida bashlighan ilmiy tekshürüsh pa'aliyitini 5 - séntebir küni tuyuqsiz toxtatqanliqini élan qildi. Xitay yer tewreshni ölchesh idarisining bir tetqiqat orni bilen shinjang yer tewreshni ölchesh idarisi birliship uyushturghan 30 kishilik tekshürüsh ömiki 3‏ - séntebirdin bashlap, xotenning qara qurum taghliq rayonida tekshürüsh élip bérishni bashlighan.
Muxbirimiz erkin
2010.09.06

Da'iriler bu qétimqi ilmiy tekshürüsh pa'aliyiti"kiriyide 3.7 Bal yer tewresh we ashköl yanar téghini omumyüzlük ilmiy tekshürüsh" ke qaritilghanliqini ilgiri sürgen. Ashköl yanar téghi qara qurum taghlirining ichidiki yurungqash deryasining sol qanitida bolup, xitay ilmiy tekshürüsh ömiki charlash élip barmaqchi bolghan jay, xitay - hindistan arisida talash tartishtiki aqsaychin rayonigha yéqin yerde idi.

Xitay metbu'atlirining xewerliride mezkur tekshürüsh ömikining konkrét pilani we bu tekshürüsh pa'aliyiti arqiliq érishmekchi bolghan nishani heqqide héchqandaq melumat bérilmigen.

Shinxu'a agéntliqining eskertishiche, tekshürüsh bashlinip 2 kündin kéyin, qara qurumning hawarayi sewebidin tekshürüsh pa'aliyiti toxtitilghan. Bu heqtiki xewerlerde tekshürüsh ömiki 3 - chésla taghliq rayon'gha kire - kirmey, ömek terkiwidiki 3 kishige hawa yétishmeslik sewebidin jiddi qutquzush élip bérilip, xoten'ge qayturup kélin'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.