Xitay aq tashliq kitab élan qilip, xitaydiki muhitni qoghdash üchün yadro éléktr istansisi qurulushi élip baridighanliqini tekitlidi

Xitay 22 - noyabir küni “ Xitaydiki muhit bulghinishini yaxshilash pilani” namida aq tashliq kitab élan qilip, xitaydiki barghanche bulghiniwatqan muhitni qoghdap qélish üchün, bundin kéyin xitayda yadro éléktr istansisi qurulushini tézlitidighanliqini tekitlidi.
Öz muxbirimiz méhriban
2011.11.22
Share on WhatsApp
Share on WhatsApp

2011 - Yili 3 - ayda yaponiyide yüz bergen 9 bal derijidiki yer tewresh apitide, yaponiyidiki yadro éléktr istansisilirida atom radi'atsiyisi tarqilish hadisiliri yüz bergendin kéyin, xelq'arada yadro qoralliri hem yadro éléktr istansisi qurulushini cheklesh dolquni qozghilip, insaniyetning bixeterlikige kapaletlik qilish üchün, yadro téxnikisi iqtidarigha ige döletlerdin yadro éléktr istansisi qurulushlirini astilitish telep qilin'ghan idi.

Nöwette xelq'arada yadro qorallirini qisqartish telep qilinip, yadro énirgiyisidin paydilinish cheklimige uchrawatqan bir peytte, xitay hökümitining muhitni qoghdashni bahane qilip, yadro éléktr istansisi qurulushi élip baridighanliqini tekitlishi, xelq'ara metbu'atlarda xitay hökümitining yadro qurulushini tézlitishtiki heqiqiy muddi'asi heqqidiki munazirilerning küchiyishige seweb bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.