Senkaku ariligha qarap ilgiriligen teywen paraxoti yapon charlighuchilar teripidin chékindürülgen

Xitay bilen yaponiye arisida senkaku arili jédili qayta sehnige chiqqandin kéyin, teywenmu diplomatik we ammiwi teshkilat qanatliri arqiliq senkaku ariligha bolghan igidarchiliq telipini yene otturigha qoydi.
Muxbirimiz shohret hoshur
2010.09.14
Share on WhatsApp
Share on WhatsApp

Tünügün, teywen tashqi ishlar ministiri yaponiyige naraziliq bildürüp, senkaku arili igilik hoquqining özlirige tewe ikenlikini bildürgen we 100 ge yéqin teywenlik yaponiyining teybéydiki gheyriy resmiy elchixanisi aldida naraziliq namayishi ötküzgen idi.

 Bügün yeni seyshenbe küni etigende, besh kishilik bir guruppa bir béliqchi paraxotigha chiqip, bir türküm teywen déngiz charlighuchilirining himayiside, senkaku ariligha yürüsh qilghan. Teywen béliqchi paraxoti senkakugha yéqinlashqanda, yapon charlighuchi paraxoti ularni chékindürüsh üchün heriketke ötken. Netijide teywen paraxoti senkaku ariligha kirelmigen.

Arqisigha chékinishke mejbur bolghan teywenlik béliqchilar öz tor bétide bayanat élan qilip, teywen déngiz charlighuchilirining yapon charlighuchilirigha teng kélelmigenlikini, shunga arqisigha chékin'genlikini bildürgen.

Teywenning déngiz charlighuchi qisimliri bolsa, öz meqsitining peqet igilik hoquq telipini bildürüp qoyush ikenlikini, shunga senkaku ariligha kirelmigen bolsimu, mushu qétimliq wezipisini ada qilip bolghanliqini bildürgen.

Bügün xitay tashqi ishlar bayanatchisi, yaponiye terep tutup turuwatqan xitay béliqchi paraxot kapitanini derhal qoyup bérishni yene bir qétim telep qilghan. Yaponiye tünügün, ötken hepte tutuwélin'ghan xitay béliqchi paraxotidiki 13 kishini qoyup bergen, biraq paraxotning kapitanini téxiche qoyup bermigen idi.

Xewerlerdin qarighanda, qanuniy tertip boyiche, xitay kapitan, yaponiyide 19 ‏- séntebirge qeder tutup turulushi mumkin.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.