Xitay amérikini sherqi déngiz mesilisidin néri turushqa chaqirdi

Xitay tashqi ishlar bayanatchisi jyang yü bügün, amérikini sherqi déngiz mesilisidin néri turushqa chaqirghan. U sözide, sherqi déngiz mesilisini xelq'aralashturushqa, köptürüwétishke we yaki kéngeytiwétishke bolmaydighanliqini, eger bundaq qilinsa, mesilini hel qilishning ornigha, téximu murekkepleshtürüwétidighanliqini eskertken.
Muxbirimiz shohret hoshur
2010-09-21
Share

Birleshme agéntliqining yekshenbe künidiki xewirige qarighanda, amérika prézidénti obama mushu jüme küni, sherqi jenubi asiya döletliri bilen yighin ötküzidiken we yighinda sherqi jenubiy déngiz mesilisinimu muzakire qilidiken.
 
Xewerlerdin qarighanda jüme kündiki yighindin kéyin, amérika bilen sherqi jenubiy asiya döletliri birlikte sherqi déngiz mesilisi heqqide bir birleshme bayanat élan qilidiken.
 
Washin'gtonda teyyarlan'ghan bayanatning layihiside, sherqi déngiz mesilisini tinchliq bilen hel qilish, xelq'ara qanunlargha emel qilish we déngiz sepiri erkinlikige kapaletlik qilish qatarliqlar tekitlen'gen.

Amérika tashqi ishlar ministiri hilariy xanim 7 - ayda wéytnamda qilghan sözide, sherqi déngiz mesilisining amérikining dölet menpe'etige chétilidighanliqini tilgha alghan we shu chaghdimu xitay terep qattiq naraziliq bildürgen idi.
 
Xitay bayanatchi bügünki sözide, sherqi déngiz mesilisini peqet talash - tartishtiki arallar bilen tutishidighanla döletlerning sözlishishi kéreklikini eskertken.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.