Хитай бүгүн японийигә сирәк топа експорт қилишни әслигә кәлтүрди

Бирләшмә агентлиқиниң токйодин баян қилишичә, хитай бүгүн тосаттинла, японийә билән тиҗарәт қилидиған хитай ширкәтлиригә експорт қилиш рухсәт хети тарқитип бәргән. Хитай таможнилириму рәсмийәт беҗиришкә башлиған.
Мухбиримиз вәли
2010-09-29
Share

Сенкаку араллирида кемә соқулуш вәқәси йүз бәргәндин кейин, хитай һөкүмити японийигә сирәк топа (йәр шарида кам учрайдиған йәр минераллири) експорт қилишни тохтитип қойған иди. Хитай гәрчә, японийигә експорт қилидиған түрләрниң һәммисигә чәклимә қоймиған болсиму, әмма таможниларниң рәсмийәтлирини қийинлаштуруп қойған иди.
 
Хәвәр ейтилишичә, японийә ширкәтлири хитайниң експорт чәклимилиригә қаттиқ нарази болуп, хитай үстидин дуня сода тәшкилатиға әрз сунушқа тәйярлиқ көрүватқан иди.

Хитай таможнисиниң баянатчиси яң тав бүгүн алдин - ала баянат елан қилип 'һөкүмәт японийини кәмситидиған сиясәт чиқармиди, шундақла, експорт қилиниватқан түрләрниң һечқайсисини чәклигини йоқ' дәп өзини ақлап қопти.

 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт