Хитайниң японийидики баш әлчиси японийә тәрәпниң әйиблишини рәт қилди

Японийә дөләт мудапиә министири китазава өткән җүмә күни 23 - апрел баянат елан қилип, хитай һәрбий тик учариниң21 - апрел күни, җәнубий окинава деңиз тәвәликидә, японийә уруш парахотиға 2 қетим йеқинлишиш вәқәси садир қилғанлиқини һәм хитай тәрәпниң бу вәқәни "зөрүр мудапиә тәдбири" дәп чүшәндүргәнликигә наразилиқ билдүргән иди.
Мухбиримиз миһрибан
2010-04-27
Share

Бүгүн хитайниң японийидә турушлуқ баш әлчиси, чең юңхуа японийә тәрәпниң наразилиқ баянатини "орунсиз әйибләш" дәп рәт қилди. Чең юңхуа сәйшәнбә күни бәргән баянатида, " хитай һәрбий тик учариниң японийә уруш парахотиға йеқинлишиши, японийә қоғдиниш әтритиниң парахоти һәм башқа парахотлириниң хитайниң хәлқара очуқ деңизда һәрбий маневир елип бериватқан хитай һәрбий парахотлириға "паракәндичилик" салғанлиқидин болди" дәп изаһлиди.

Йеқиндин буян хитай билән японийиниң һәрбий парахотлири икки дөләт оттурисидики деңиз чегрисида җиддий кәйпият шәкилләндүргән болуп, японийә қоғдиниш әтритиниң бир уруш парахоти чаршәнбә күни окинаваниң 500 километир җәнубидики деңизда мәшғулат елип бериватқанда, хитайниң бир һәрбий тик учари японийә уруш парахотиға 90 метир йеқинлашқанлиқи үчүн японийә хитай һөкүмитигә қаттиқ наразилиқ билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт