Xitayning yaponiyidiki bash elchisi yaponiye terepning eyiblishini ret qildi

Yaponiye dölet mudapi'e ministiri kitazawa ötken jüme küni 23 - aprél bayanat élan qilip, xitay herbiy tik ucharining21 - aprél küni, jenubiy okinawa déngiz tewelikide, yaponiye urush paraxotigha 2 qétim yéqinlishish weqesi sadir qilghanliqini hem xitay terepning bu weqeni "zörür mudapi'e tedbiri" dep chüshendürgenlikige naraziliq bildürgen idi.
Muxbirimiz mihriban
2010-04-27
Share

Bügün xitayning yaponiyide turushluq bash elchisi, chéng yungxu'a yaponiye terepning naraziliq bayanatini "orunsiz eyiblesh" dep ret qildi. Chéng yungxu'a seyshenbe küni bergen bayanatida, " xitay herbiy tik ucharining yaponiye urush paraxotigha yéqinlishishi, yaponiye qoghdinish etritining paraxoti hem bashqa paraxotlirining xitayning xelq'ara ochuq déngizda herbiy manéwir élip bériwatqan xitay herbiy paraxotlirigha "parakendichilik" salghanliqidin boldi" dep izahlidi.

Yéqindin buyan xitay bilen yaponiyining herbiy paraxotliri ikki dölet otturisidiki déngiz chégrisida jiddiy keypiyat shekillendürgen bolup, yaponiye qoghdinish etritining bir urush paraxoti charshenbe küni okinawaning 500 kilométir jenubidiki déngizda meshghulat élip bériwatqanda, xitayning bir herbiy tik uchari yaponiye urush paraxotigha 90 métir yéqinlashqanliqi üchün yaponiye xitay hökümitige qattiq naraziliq bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet