Xitay da'iriliri yaponiyini kéme kapitanini derhal qoyuwétish heqqide agahlandurdi

Xitay da'iriliri bügün béliqchi kémisi mesilisi sewebidin yapon - xitay ikki dölet munasiwiti buzulushi mumkin, dep agahlandurup, yaponiye "xeterlik oyun oynimaqta" dédi.
Muxbirimiz irade
2010.09.09
Share on WhatsApp
Share on WhatsApp

Royétérs agéntliqining xewer qilishiche, xitay tashqi ishlar ministirliqining bayanatchisi jyang yü bügün bu heqte qilghan bayannamisida "diyaw yü arili we uning etrapidiki taqim arallar qedimdin tartip xitayning zémini. Yaponiyining bu arallardiki béliqchiliq kémilirige ichki siyasitige asasen mu'amile qilishi intayin bimene, qanunsiz we shundaqla paydisiz bir heriket. Biz buni hergiz qobul qilmaymiz" dédi we yaponiyining ziddiyetni ötkürleshtürmey, kapitanini shertsiz halda derhal qoyup bérishini telep qildi.

Igilinishiche, xitay da'iriliri béliqchilarning bixeterlikini qoghdash üchün rayon'gha qoghdash kémisi ewetken.
Yaponiye - xitay arisidiki bu sürkilish seyshenbe küni xitayning fujiyen 5179 belgilik béliqchi kémisining yaponiye charlash kémilirige uda ikki qétim soqulushi bilen bashlighan idi. Yaponiye xitay béliqchi kémilirining herikitini "qanunsiz béliqchiliq" dep eyibligen we charshenbe küni xitay kémisining kapitanini qolgha alghan idi.

Sherqiy déngizda yaponiye bilen xitayning sürkilish weqeliri ilgirimu meydan'gha kelgen bolup, yaponiye köp qétim xitay kémilirini bu aralgha heddidin ziyade yéqinlishish bilen eyiblep diplomatik nota bergen idi. Bu aral hazir gerche yaponiyining kontrolliqida bolsimu, xitay bu aralda özining igilik hoquqining barliqini ilgiri sürüp kelmekte. Bu aralni xitaylar diyawyü taqim arili, yaponlar bolsa senkaku dep ataydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.