Xitay, yaponiye herbiy paraxotlirining xongkonggha kirishini ret qilghan

Minbaw gézitining xewer qilishiche, biraq junggo hökümiti néme üchün yaponiye herbiy paraxotlirining xongkongda toxtap ötüsh telipini ret qiliwétishining seweblirini chüshendürmigen. Bu paraxotlar 13 dölettiki herbiy manéwirlargha qatniship qaytqan iken.

B b s agéntliqining yaponiyining " asahi shimbun" gézitidin neqil élip bergen xewiride éytilishiche, yaponiye hökümiti eslide bu paraxotlirini xongkongda toxtitishni oylashmighan, biraq, ikki dölet mudapi'e sahesining yéqindin buyanqi hemkarliqlirini nezerge élip, waqitliq türde junggo hökümitidin bu paraxotlarni xongkongda toxtitip, junggo terep bilen tejribe almashturushni oylashqan bolsimu, emma, biraqla ret qilishqa duch kelgen.

Xewerde yézilishiche, yaponiye metbu'atliri taki 16 - awghustqiche bu xewerni élan qilmighan. Yaponiye gézitide yézilishiche, bir yaponiyilik tehlilchi xitayning ret qilish weqesi heqqide tehlil yürgüzüp, bu yaponiye terepning dunya Uyghur qurultiyining re'isi rabiye qadirning yaponiyige kélishige wiza bergenliki hemde sabiq teywen prézidénti li déngxuyning 9 - ayda yaponiyini ziyaret qilishigha yol qoyghanliqi bilen munasiwetlik, dep perez qilghan.