Xitay - yawropa ittipaqi rehberliri yighini netijisiz axirlashti

Nenjingda échilghan xitay we yawropa ittipaqi rehberliri yighini tünügün axirlashti؛ emma yighinda hichqandaq yéngi hemkarliq pilani otturigha qoyulmighan.
Muxbirimiz shohret hoshur
2009-12-01
Share

Yighin asasliqi kilimat mesilisi we xitay pulining qimmitini tengshesh mesilisi üstide muzakire élip barghan. Muzakiride xitay yuqiriqi her ikki témida yawropa birlikining teleplirige könmigen.

Xitay bash ministiri wén jyabaw pul qimmiti mesilisidimu xbirlargha qilghan sözide, xitay pulining qimmitidiki muqimliqning xitayning iqtisadiy weziyitidiki muqimliqqa biwaste tesir körsitidighan chong mesile ikenlikini eskertken؛ u yawropa birlikining kilimat mesiliside yétekchilik rol oynash teklipini ret qilip, xitayning bu jehette köp ejir singdürüp bolghanliqini bildürgen.

Wén jyabaw yighin dawamida yene, yawropa ittipaqi bilen xitay arisidiki hemkarliqning, öz - ara medeniyet en'enilirige hörmet qilish, ijtima'iy tüzüm we siyasiy köz qarash perqige hörmet qilish üstide ching turidighanliqini eskertken.

Wén jyabawning bu eskertmisi bezi közetküchiler teripidin, xitay insan heqliri mesiliside özige kélidighan tenqidning aldini élishni meqset qilidu dep qaralmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet