Xitay da'iriliri 'bölgünchilik'ke qarshi turush kürishide intizamgha xilapliq qilghan milliy kadirlarni jazalash belgilimisi élan qildi

Uyghur aptonom rayoni partkomining intizam tekshürüsh komitéti yéqinda mexsus höjjet chüshürüp, "bölgünchilik"ke qarshi küreshte meydani qet'iy bolmighan milliy kadirlarning partiyidin qoghlap chiqirilidighanliqini agahlandurghan.
Muxbirimiz erkin
2010-09-17
Élxet
Pikir
Share
Print

Dunya Uyghur qurultiyi bayanatchisi dilshat rishitning eskertishiche, "bölgünchilik"ke qarshi küreshte siyasiy intizam xataliqi sadir qilghan partiye ezaliri we yerlik partiye teshkilatlirini jazalash toghrisidiki31 maddiliq mezkur belgilime asasliqi yerlik milliy kadirlargha qaritilghan.

Belgilimide, maqale yézip, nutuq sözligen, axbarat we xitabname élan qilip, milliy bölgünchilik we diniy radikalizmni ashkara terghib qilghan partiye ezalirigha derhal partiyidin qoghlap chiqirish jazasi bérilidighanliqini élan qilghan. Milliy bölgünchilik idiyisi terghib qilin'ghan, döletning birliki we milletler ittipaqliqigha ziyan sélishqa chétilidighan radi'o, téléwiziye programmilirini anglash we körüshi cheklinip, xilapliq qilghuchilargha jiddiy agahlandurush, éghirlirining partiyidin qoghlap chiqirilidighanliqini belgiligen.

Dunya Uyghur qurultiyi, xitay da'irilirining mezkur höjjetni 2010 - yili 7 - ayning 1 ‏- künidin bashlap resmiy ijra qilishqa bashlighanliqini bildürmekte. Lékin xitay da'iriliri buningdin burun 2000‏ - yili 12 ‏- ayda buninggha oxshash bir höjjet chüshürüp, milliy partiye ezalirining herikitini kontrol qilishni kücheytken idi. Bu yil 7 - aydin bashlap ijra qilinishqa bashlighan yéngi höjjetning mezmuni burunqi höjjettin qaysi jehetlerde perqlinidighanliqi ayding emes.

Qurultay bayanatchisi dilshat rishit, yéngidin yolgha qoyulghan yuqiriqi höjjet arqiliq Uyghur partiye ezalirining ish herikiti, söz we ipade erkinliki ilgirilep kontrol astigha élin'ghanliqini bildürdi.

Toluq bet