Хитайниң айтоқач байримида 'зәһәрлик айтоқачлар' байқалди

Хитайниң "ай тоқач" байрими мәзгилидә йемәклик бихәтәрликидә йәнә мәсилә көрүлди. Франсийә агентлиқиниң хәвәр қилишичә, хитай сақчи даирилири 9 йерим тонна зәһәрлик айтоқачни қолға чүшүргән. Мәзкур айтоқачларда адәмгә зиянлиқ көп миқдарда бактерийиләр байқалған. Игилинишичә, бу айтоқачлар көпинчә һалларда наһийә - йезиларда базарға селинған.
Мухбиримиз ирадә
2010.09.23
Share on WhatsApp
Share on WhatsApp

Хитайдики алақидар даириләр базарлардики сүпәтсиз айтоқачларниң йиғивелинғанлиқини, базарларға селинған айтоқачлар 96% иниң сәһийә өлчәмлиригә тошидиғанлиқини хәвәр қилип, хәлқни хатирҗәм болушқа чақирған.

Хитайда арқа - арқидин йүз бериватқан зәһәрлик йемәклик, зәһәрлик сүт парашоки вә зәһәрлик чиш пастиси қатарлиқ вәқәләр, хитайдики сүпәт өлчими хизмәтлиридә мәсилиниң еғирлиқини көрситидикән.

Хитай һөкүмити зәһәрлик йемәклик ишләп чиқарғучиларға өлүм җазаси берилидиғанлиқини җакарлиған болсиму, бу хил вәқәләр хитайда үзлүксиз садир болмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.