Xitayning zeher yémeklirini hazir xitaylar özlirimu sétiwalmaydu

Xitayning 'senlu' markiliq süt mehsulatlirining terkibide zeherlik mélamin maddisi barliqi bayqalghandin kéyin, bundaq zeherlik yémeklerni xitaylar özlirimu sétiwalmaydighan weziyet shekillenmekte.
Muxbirimiz weli
2008-09-24
Share

Birleshme agéntliqining bügün teybéydin xewer qilishiche, teywende bügündin bashlap xitayda ishlen'gen süt yémeklirila emes, uningdin bashqa köktat mehsulatliri, hetta sendungdin kirgüzülgen 'lipton' markiliq sütlük kök chaylarni öz ichige alghan 160 xil xitay yémek - ichmekliri bazardin chékindürülüshke bashlighan.

Radi'omiz muxbiri ding shawning xewer qilishiche, xitayda 'senlu' markiliq zeherlik süt parashuki setchiliki ashkarilan'ghandin kéyin, guyyang shehiride süt mehsulatlirini sétiwalghan dukanlargha mal qayturup, pulini telep qilidighan xéridarlar sep bolup turup ketken.

Dukandarlar xéridarlargha her xil seweb körsitip jédel chiqqanda, kommunist xitay saqchiliri mal qayturidighan xéridarlarni 'aqqunlar', 'qanun'gha ri'aye qilmaydighan kishiler', 'türmidin chiqqanlar' dégendek betnamlar bilen eyiblep zerbe bérishke urun'ghan.

Xewerde éytilishiche, hazir xitayning her qaysi jaylirida sétiwalghan yémekliklerni qayturidighan xéridarlar barghanséri köpeymekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet