Xitayning zeherlik yimekliri kishilerni izchil endishilendürmekte

Xitayning zeherlik " süt parashoki" weqesi yüz bérip uzun ötmey, bügün yaponiyidiki bir emgek idarisining tetqiqatida xitaydin import qilin'ghan kök purchaq terkiwidin, déhqanchiliqta ishlitilidighan zeherlik dora DDV bayqalghan.
Muxbirimiz eqide
2008-10-16
Share

Yaponiye metbu'atlirining bildürüshiche, tokyoda 56 yashliq bir ayal, xitaydin kirgüzülgen kök purchaqni istimal qilghandin kéyin, bi'aramliq hés qilip, doxturxanida jiddiy qutquzuwélin'ghan.

Bu yil 1 ‏ - ayda xitayning zeherlik juwawisi bayqilip, bu weqe azraq peseygende, qaytidin zeherlik kök purchaq hadisisining yüz bérishi, xitaydin yimeklik mehsulati import qilghan karxanilargha ziyan élip kélish bilen birge, yaponiye istimalchilirining xitay yimeklirining bixeterlikige bolghan endishisini téximu kücheytiwetken.

Bu arida xitayda chiqidighan shi'en kechlik géziti 13 ‏ - öktebir küni, shingpingdiki bir erning teyyar chöp yégenliktin, zeherlinip ölgenlikini élan qildi.

Xitay hökümiti, hazir 5824 balining zeherlik süt parashoki tüpeyli doxturxanida dawaliniwatqanliqini bildürmekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet