Хитай, йәрлик даириләрдин 2015 ‏ - йилғичә уйғур яш - өсмүрлиригә хитайчини омумлаштуруп болушни тәләп қилған

Уйғур аптоном райониниң партком секретари җаң чуншйән, хитай тилини уйғур яш - өсмүрлиригә тез омумлаштурушни оттуриға қоюп, 2015 ‏ - йилға қәдәр райондики уйғур башланғуч - оттура мәктәп оқуғучилириниң арисида омумлаштуруп болушни тәләп қилди.
Мухбиримиз әркин
2010-05-28
Елхәт
Пикир
Share
Принт

Униң әскәртишичә, 2020‏ - йилға барғанда барлиқ оқуғучилар чоқум хитайчини судәк сөзлийәләйдиған һалға йетиши керәк. У, бу сөзләрни уйғур аптоном райони парткоминиң 26 ‏ - май күни чақирилған 7 ‏- нөвәтлик 9 ‏ - омуми йиғинида тәкитлигән болуп, җаң чүншйән йәнә 2012 ‏ - йилға қәдәр райондики йәслиләрдә хитайчини омумлаштуруп болушни тәләп қилған.

Хитай мәркизи һөкүмити болса уйғур "қош тил" маарипиға "сехилик" билән мәбләғ селишни давамлаштурмақта. Игилишимизчә, йеқинда хитай маарип министирлиқи кәлгүси 5 йил ичидә уйғур елиниң маарип ишлириға қошумчә 8 милярд йүән мәбләғ аҗиритидиғанлиқини билдүргән. Лекин бу мәбләғниң уйғур миллий маарипини алға сүрүш яки уйғурларға хитайчини омумлаштуруш үчүн ишлитилидиғанлиқи мәлум әмәс.

Бәзи анализчилар "қош тиллиқ" маарипни тәнқидләп, уйғур тилини чәткә қеқишни мәқсәт қилған бу сиясәт миллий зиддийәтни күчәйтиватқан сәвәбләрниң бири болуп қеливатқанлиқини билдүрмәктә.

Пикирләр (0)
Share
Толуқ бәт