Хәлқара мухбирлар тәшкилати хитайни ахбарат әркинликини қоюветишкә чақирди

Бу тәшкилат елан қилған әң йеңи доклатида хитай тәшвиқат министирлиқини ахбаратқа болған чәклимини әмәлдин қалдурушқа чақирди. Улар йәнә вен җябавниң 5 - март күни икки йиғин мәзгилидә ахбарат әркинликини техиму илгирилигән һалда қоюветиш һәққидә бәргән вәдисидә туруши керәкликини тәкитлиди.

Мәзкур тәшкилатниң доклатидин мәлум болушичә, йеқинқи бир қанчә ай ичидила хитай даирилири 11 түрдики хәвәргә чәклимә қойған болуп, буларниң ичидә гогул ширкитиниң хитайдин чекинип чиқиши вә зәһәрлик сүт талқининиң зиянкәшликигә учриған бовақларниң ата - анилириниң әрз сунғанлиқиға даир хәвәрләрму йәр алған.

Америка авазиниң баян қилишичә, хитай даирилири йеқинда 18 хил хәвәр түрини чәклигән болуп, булар әмәлийәттә хәлқ пулиниң қиммитиниң өсүши, әмәлдарларниң чириклишиши, уйғур вә шизаң районидики исянлар, йемәкликтин зәһәрлиниш, алий мәктәп оқуғучилириниң хизмәткә орунлишишиниң қийинлишип кетиши қатарлиқ хәлқ аммиси әң көңүл бөлидиған сәзгүр мәсилиләр икән.