Xelq'ara muxbirlar teshkilati xitayni axbarat erkinlikini qoyuwétishke chaqirdi

Xelq'ara muxbirlar teshkilati xitay hökümitining memliket ichi we xelq'ara metbu'atlarning xitayda yüz bergen, keng xelq ammisi köngül bölidighan weqelerning axbarat wastilirida cheklimige uchrash ehwalini yéqindin közitip kelmekte.
Muxbirimiz irade
2010.04.08
Share on WhatsApp
Share on WhatsApp

Bu teshkilat élan qilghan eng yéngi doklatida xitay teshwiqat ministirliqini axbaratqa bolghan cheklimini emeldin qaldurushqa chaqirdi. Ular yene wén jyabawning 5 - mart küni ikki yighin mezgilide axbarat erkinlikini téximu ilgiriligen halda qoyuwétish heqqide bergen wediside turushi kéreklikini tekitlidi.

Mezkur teshkilatning doklatidin melum bolushiche, yéqinqi bir qanche ay ichidila xitay da'iriliri 11 türdiki xewerge cheklime qoyghan bolup, bularning ichide gogul shirkitining xitaydin chékinip chiqishi we zeherlik süt talqinining ziyankeshlikige uchrighan bowaqlarning ata - anilirining erz sun'ghanliqigha da'ir xewerlermu yer alghan.

Amérika awazining bayan qilishiche, xitay da'iriliri yéqinda 18 xil xewer türini chekligen bolup, bular emeliyette xelq pulining qimmitining ösüshi, emeldarlarning chiriklishishi, Uyghur we shizang rayonidiki isyanlar, yémekliktin zeherlinish, aliy mektep oqughuchilirining xizmetke orunlishishining qiyinliship kétishi qatarliq xelq ammisi eng köngül bölidighan sezgür mesililer iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.