Хитайлар диний сияситиниң интайин яхши икәнликини илгири сүрди

Хитайниң чәтәлләргә аңлитиш беридиған хәлқара радиоси бүгүн бәргән хәвиридә, хитайниң диний сияситиниң интайин яхши икәнликини, буниңға хитайда динға етиқад қилидиған 100 милйон кишиниң барлиқиниң яхши испат болалайдиғанлиқини илгири сүрди.
Мухбиримиз ирадә
2009.08.13

Улар йәнә, хитайда 22 милйон мусулманниң яшайдиғанлиқи, мусулманлар бир қәдәр топлишип яшайдиған уйғур районида 24 миң мәсчит барлиқи вә һәр 400 кишигә бир мәсчит тоғра келидиғанлиқини ипадә қилип, бу рәқәмниң нурғунлиған ислам дөләтлиридинму юқири орунда туридиғанлиқини илгири сүргән.

Хитай ислам җәмийитиниң рәииси чен гуаңюән хитай хәлқара радиосиға қилған сөзидә, 50 йиллиқ бир имам болуш сүпити билән хитайниң дини сияситидин интайин мәмнун икәнликини, мәсчитләрни римонт қилиш, диний затларни йетиштүрүш вә килассик диний әсәрләрни нәшр қилиш қатарлиқ ишларға һөкүмәтниң интайин көңүл бөлүватқанлиқини ипадә қилған.

Әмма уйғур дияридин кәлгән инкаслар вә хәлқарадики кишилик һоқуқ тәшкилатлири хитайниң диний сияситини изчил һалда тәнқид қилип кәлмәктә. Болупму, уйғурларға қаритилған диний бесимниң интайин еғирлиқи, кишиләрниң әркин һалда мәсчиткә кирәлмәйдиғанлиқи вә нормал диний паалийәтләрниңму қанунсиз һәрикәт қатарида қаттиқ бир тәрәп қилинидиғанлиқи, инсан һәқлири тәшкилатлириниң доклатлиридиму алаһидә тилға елинған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.