Хитайда бу йил киргәндин бери 260 бала еғиз - бурун яллуғида өлди

Хитай һөкүмити җүмә күни хитайда бу йил киргәндин буян 260 балиниң еғиз - бурун яллуғида өлгәнликини, бу вирус билән ағриған балиларниң саниниң нәччә йүз миңға йетидиғанлиқини елан қилди.
Мухбиримиз әркин
2010.05.07
Share on WhatsApp
Share on WhatsApp

Хәвәрләрдә әскәртишичә, еғиз - бурун яллуғи хитайда һәр йили әтияз вә яз пәслидә баш көтүридиған кесәллик болсиму, лекин мәзкур кесәллик өткән йилға қариғанда, бу йил балдур башланған.

"Бейҗиң хәвәрләр" гезитиниң хәвиридә, хитай сәһийә министирлиқи юқумлуқ кесәлликләрни контрол қилиш вә алдини елиш идарисиниң муавин мудири шяв дуңлуниң сөзини нәқил кәлтүрүп, бу йил киргәндин буянқи 5 айда мәзкур кесәллик сәвәбидин өлгән балиларниң сани өткән йилниң охшаш мәзгилидин 143% ешип кәткәнликини билдүргән.

Бу һәқтики хәвәрләрдә, мәзкур кесәлликниң гуаңдуң вә гуаңшиларда кәң тарқалғанлиқини илгири сүрмәктә. Лекин уйғур аптоном районидики ахбарат вастилирида болса, мәзкур кесәлликниң районда бу йилқи тарқилиш әһвалиға даир хәвәрләрни учратқили болмиди.

Шяв дуңлу бу кесәллик нормалда 5 ‏- вә 7 - айларда кәң тарқилидиған кесәллик болсиму, лекин бу йил 4‏ - айдила юқири пәллигә чиққанлиқини әскәртип, 430 миң балиниң мәзкур кесәллик вирусида ағриғанлиқини билдүргән.

Хитай сәһийә министирлиқиниң ашкарилишичә, 2009‏ - йили хитайда мәзкур кесәллик сәвәбидин 353 бала өлгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.