Хитай әйдиз бимарлири үчүн мәхсус программа тәсис қилди

Америка авазиниң хәвәр қилишичә, шәнбә күни хитай мәркизий радио истансисиниң әйдиз бимарлириниң аңлиши үчүн вә әйдиз бимарлириға болған кәмситишни йоқитишни мәқсәт қилидиған " һаятлиқ диалоги" намидики радио программисини башлаш мурасими өткүзүлди.
Мухбиримиз үмидвар
2010.01.10
Share on WhatsApp
Share on WhatsApp

Хитай бойичә тунҗи қетим тәсис қилинған мәзкур радио программисиға хитай мәркизий радио истансисиниң кәспий риясәтчилири вә әйдиз вируси билән юқумланған кишиләр ортақ риясәтчилик қилиш бекитилгән болуп, 16-январдин етибарән һәр шәнбә күни тарқитишни башлайдикән. Пәрәз бойичә бу программиниң аңлитиш даириси 60 шәһәргә йәткүзүлүп, аңлиғучиларниң сани 300 милйон әтрапида болидикән.

Көзәткүчиләр буниң хитай һөкүмитиниң әйдиз кесилиниң алдини елиш вә әйдиз бимарлириға қаритилған кәмситишләрни йоқитиш үчүн бесиватқан иҗабий қәдими икәнликини билдүрүшкән. Нөвәттә, уйғур елиниң хитайдики әйдиз вируси билән юқумлиниш әһвали әң еғир җайларниң бири икәнлики, уйғур қатарлиқ йәрлик милләтләр арисида әйдиздин мудапиә көрүш тәдбирлириниң яхши елинмиғанлиқи һәмдә бу саһәдики тәшвиқатниң яхши ишләнмигәнлики оттуриға қоюлмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт