Әйдиз кесили һазир хитайда әң чоң юқумлуқ кесәлгә айланди

Хитайда әйдизләрниң һоқуқи үчүн һармай - талмай көрәш қилип келиватқан мәшһур дохтор гав явҗениң б б с ға баян қилишичә, әйдиз кесили һазир хитайда әң көп адәм өлтүрүватқан әң чоң юқумлуқ кесәлгә айланди.
Мухбиримиз вәли
2010-02-24
Share

Хитайда әйдизниң башқиларға юқтурулушиға, һазир йәнила җинси алақә қалаймиқанчилиқи вә қан сетип җан бақидиған намратлиқ һадисилири сәвәбчи болуватиду. Әмма һөкүмәтниң техичә әйдизни давалаш вә әйдиздин мудапиә көрүш җәһәттики чоң пилани әмәс, һәтта әқәллиси, һазирқи әйдиз өсмүрләрниң мәктәп мәсилиси җәһәттиму бир әмили тәдбири йоқ.

Хитай сәһийә министирлиқи елан қилған санлиқ мәлуматларға қариғанда, хитайда бултур йил ахириға қәдәр әйдиз бемарлириниң сани 107 миң, буниңдин башқа йәнә аллиқачан әйдиз вируси билән юқумланған адәм сани 326 миң. Булардин бултур бир йил ичидила өлгини 54 миң. Өзидики әйдиз аламәтлирини техичә тәкшүртмигән яки юшуруватқан адәм сани елан қилинған юқумланғанлар санидин көп.

Хоңкоң учур вастирилириниң баян қилишичә, хитайда 2005‏ - йилидин кейин әйдизниң юқтурулуш нисбити бир аз төвәнлигән болсиму, әмма 2009 ‏ - йилдики әйдиз бимарлириниң сани 2008‏ - йилидикидин 31% көпәйгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт