Eydiz késili hazir xitayda eng chong yuqumluq késelge aylandi

Xitayda eydizlerning hoquqi üchün harmay - talmay köresh qilip kéliwatqan meshhur doxtor gaw yawjéning b b s gha bayan qilishiche, eydiz késili hazir xitayda eng köp adem öltürüwatqan eng chong yuqumluq késelge aylandi.
Muxbirimiz weli
2010.02.24
Share on WhatsApp
Share on WhatsApp

Xitayda eydizning bashqilargha yuqturulushigha, hazir yenila jinsi alaqe qalaymiqanchiliqi we qan sétip jan baqidighan namratliq hadisiliri sewebchi boluwatidu. Emma hökümetning téxiche eydizni dawalash we eydizdin mudapi'e körüsh jehettiki chong pilani emes, hetta eqellisi, hazirqi eydiz ösmürlerning mektep mesilisi jehettimu bir emili tedbiri yoq.

Xitay sehiye ministirliqi élan qilghan sanliq melumatlargha qarighanda, xitayda bultur yil axirigha qeder eydiz bémarlirining sani 107 ming, buningdin bashqa yene alliqachan eydiz wirusi bilen yuqumlan'ghan adem sani 326 ming. Bulardin bultur bir yil ichidila ölgini 54 ming. Özidiki eydiz alametlirini téxiche tekshürtmigen yaki yushuruwatqan adem sani élan qilin'ghan yuqumlan'ghanlar sanidin köp.

Xongkong uchur wastirilirining bayan qilishiche, xitayda 2005‏ - yilidin kéyin eydizning yuqturulush nisbiti bir az töwenligen bolsimu, emma 2009 ‏ - yildiki eydiz bimarlirining sani 2008‏ - yilidikidin 31% köpeygen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.