5 - Июл намайишида өлгән кишиләргә ианә топлаш сиясити йолға қоюлди

Уйғур елиниң бир қисим районлиридин игиләнгән мәлуматларға қариғанда, нөвәттә хитай йәрлик һөкүмити 5 - июл намайишида өлгән кишиләргә ианә топлаш сияситини йолға қойған болуп, бу хил ианә ишчи - хизмәтчиләрниң маашидин тутуп қилинған.
Мухбиримиз җүмә
2009-07-27
Share

Үрүмчидики нам шәрипини ашкарилашни халимиған бир уйғур йигитниң билдүрүшичә, ианә соммиси ихтияри шәкилдә бекитилигән болсиму, әмма уларниң һәммисигә ианә бериш вәзиписи тапшурулған.

Қәшқәр кона шәһәр наһийисидики бир уйғур кадирниң билдүрүшичә, мәзкур наһийидә бу хил ианә топлаш сиясити бир қәдәр кәскин йүргүзүлгән.

Униң ашкарилишичә, ианә адәттики кадирлардин 100 йүән, бөлүм дәриҗиликләрдин 200 йүән, униңдин юқири әмәлдикиләрдин көпрәк шәкилдә 7 - айлиқ мааштин тутуп қилинған болуп, уларниң аилиси җәмий 600 йүән ианә тапшурған.

Һалбуки нөвәттә, телефон алақә қаналлиридики қийинчилиқ түпәйли, бу һәқтә техиму тәпсилий мәлумат игиләш мумкинчилики болмай келиватқан болғачқа, мәзкур ианә топлаш сияситиниң уйғур елиниң йәнә қайси җайлирида вә йәнә қайси милләтләргә қарита йолға қоюлғанлиқиға аит тәпсилий мәлумат йоқ. 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт