Xitay kompyutérlargha tor süzgüchi 'yéshil tosma' yumshaq détali orunlashturush pilanini kéchiktürgen

Xitay hökümiti ichki we xelq'ara bésimlar sewebi xitayda ishlepchiqirilghan we sétilidighan kompyutérlargha tor süzgüchi "yéshil tosma" yumshaq détali qachilash qararini ijra qilishni kéchiktürgen. Xitay sana'et we uchur ministirliqi "yéshil tosma" yumshaq détali qachilash qararining 1 ‏- iyuldin bashlap resmiy küchke ige bolidighanliqini élan qilghan. Lékin hökümet mezkur qarar küchge ige bolushtin bir qanche sa'et burun "yéshil tosma" pilanining kéchiktürülgenlikini élan qildi.
Muxbirimiz erkin
2009-07-01
Share

Xitayning "yéshil tosma" pilani amérika we gherb ellirining naraziliqini qozghap, mezkur pilan uchur erkinliki we erkin soda kélishimige xilap dep tenqidlen'gen idi. Lékin xitay sana'et we uchur ministirliqi bezi karxanilarning bu qararni belgilen'gen waqit ichide ijira qilishqa yitishelmigenliki sewebidin "yéshil tosma"ning kichiktürülgenlikini bildürgen. Béyjingdiki xitay kishilik hoquq adwokati li fangping, mezkur pilanning kichiktürülgenlikini"junggo medeniy jem'iyitining ghelibisi" dégen.

Xitay "yéshil tosma"ning kéchiktürülgenlikini élan qilishtin burun, amérika tashqi ishlar ministirliqi bayanat élan qilip, amérika hökümitining buningdin bi'aram bolghanliqini we xitay bilen sözlishidighanliqini bildürgen. Yawropa ittipaqi "yéshil tosma"ning bikar qilinishini telep qilghan idi. Uchur téxnika sana'et kéngishi, yumshaq détal we uchur téxnika sana'et jem'iyiti qatarliq amérika kompyutér karxanilirigha wekillik qilidighan organlar "yéshil tosma"ning kéchiktürülgenlikini qarshi alghan.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet