'Xitayning ékologiyilik éhtiyaji pütkül yersharining qamdash iqtidaridin 20 pirsent éship ketti'

Dunya ékologiye fondi jem'iyiti 2010 - yilliq doklatini élan qilip, xitaydiki tebi'iy ékologiyilik bayliq iqtidarining, xitayda barghanche éship bériwatqan sheher nopusni qamdiyalmaydighanliqini, buning pütün dunya ékologiyisige eks tesir körsitidighanliqini ilgiri sürdi.
Muxbirimiz jüme
2010-11-15
Share

Doklatta otturigha qoyulushiche, xitayning nöwettiki istémal sewiyisi bilen mezkur istémal sewiyisini qamdash üchün serp qilin'ghan tebi'iy bayliq otturisida zor tengsizlik shekillen'gen.

Roytérsta neqil qilishiche, dunya tebi'iy ékologiye fondining bash diréktori jeymis lip: "doklatta otturigha qoyulghinidek, xitayning ékologiyilik éhtiyaji pütkül yersharining qamdash iqtidaridin 20 pirsent éship ketken."

Jeymis lip yene, xitay ékologiyisining xitay iqtisadini uzun'ghiche qamdashqa berdashliq bérilmeydighanliqini eskertken. Melum bolushiche, xitayning karbon töt oksidini qoyup bérish derijisimu ötken 50 yil ichide 20 hesse ashqan.

Xewerlerge qarighanda, eger pütün dunyaning istémal sewiyisi xitayning 2007 - yilidiki sewiyisige yetse, insaniyet bu xildiki sewiyini qamdash üchün 1.2 Yersharigha éhtiyajliq bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet