Sichüenning shifang shehiridiki naraziliq herikitide tutqun qilin'ghan 21 kishi qoyup bérilgen

Sichüenning shifang shehiride mis kan qurulushigha qarshi élip bérilghan naraziliq herikitide tutqun qilin'ghan namayishchilarning mutleq köp qismi qoyup bérilgen.
Muxbirimiz erkin
2012-07-04
Share

Yéqinqi 3 kündin buyan shifang shehiride keng kölemlik namayish yüz bérip, puqralar hökümetning mis kan qurulushigha qarshi chiqqan. Ghezeplen'gen namayishchilar sheherlik hökümet binasining derwaza we dérizilirini chéqip tashlighan. Saqchi we hökümet xadimlirini tash boran'gha tutqan.

Da'iriler mis kan qurulushining toxtitilghanliqini élan qilghan bolsimu, biraq öymu-öy axturush élip bérip, namayish yétekchiliridin 27 kishini tutqun qilghan idi. Da'iriler seyshenbe küni kech sa'et 11:00 lerde 21 kishining terbiye bérilip qoyup bérilgenlikini élan qildi.

Közetküchilerning ilgiri sürüshiche, xitay da'irilirining bésimgha tiz püküp mis kan qurulushini toxtitishi we tutqunlarni qoyup bérishi, puqralar qattiq kontrol astidiki mezkur elde binormal ehwal bolsimu, biraq bu weqe puqralirining muhit bulghinishqa naraziliqi küchlük ikenlikini, xitay hökümitining omumiy yüzlük naraziliq herikiti partlashtin ensireydighanliqini ipadileydiken.

Charshenbe küni birer yüzdek adem shifang sheherlik partkom aldida dawamliq namayish qilip, hazirmu dawamliq tutush turuluwatqan 6 kishini qoyup bérishni telep qilghan.

Roytérs axbarat agéntliqining xewer qilishiche, yerlik puqralar hökümetning mis kan qurulushini toxtitish wediside turush -turmasliqigha qaraydighanliqi, eger hökümet wediside turmisa téximu zor kölemlik namayish qilidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet