Xébéy aliy soti lyu jixu'aning erzini ret qilip, ölüm hökümini küchke ige qildi

Xitay soti béyjing shehirining sabiq mu'awin bashliqi lyu jixu'agha ölüm jazasi hököm qilip, ikki yil kéchiktürüp ijra qilishni békitken.
Muxbirimiz eqide
2009.01.22
Share on WhatsApp
Share on WhatsApp

Xitay axbarat orunlirining 21 ‏ - yanwar xewiride bildürüshiche, bultur 18 ‏ - öktebir küni xéngshuy sheherlik ottura xeliq sot mehkimisi lyu jixu'ani xiyanetchilik, parixorluq jinayiti eyiblep ölüm jazasi höküm qilip, 2 yil kéchiktürüp ijra qilishni, siyasiy hoquqidin menggü mehrum qaldurushni qarar qilghan, biraq uninggha a'it shexsi mal ‏ - mülüklerni musadire qilmighan idi.

Lyu jixu'a sotning hökümige qayil bolmay aliy sot mehkimisige erz sun'ghan, xébéy ölkilik aliy xelq sot mehkimisi uning erzini ret qilip, eslidiki hökümni küchke ige qildi.

Lyu jixu'a, 1999 ‏ - yili béyjing shehirining mu'awin sheher bashliqi wezipisini taki 2006 ‏ - yili uning üstidin dilo turghuzulghan'gha qeder ötigen bolup, u sheher qurulushi, dölet zémin we öy bashqurush ishliri, tenterbiye sahesi shuningdek qatnash qurulushi qatarliq xizmetlerge mes'ul bolghan.

Lyu jixu'a yene nechche yüz milyard dollar ajritilghan 2008 ‏ - yilliq béyjing olimpik tenterbiye murasimi qurulushining bash qomandanliq wezipisige teyinlen'gen, biraq xitay axbarat wastiliri uning sadir qilghan jinayiti heqqide éniq melumat bermigen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.