Хитай өлүм җазаси һәққидә йеңи лайиһә елан қилди

Хитай али соти бүгүн һәрқайси йәрлик сот мәһкимилиридин өлүм җазаси даирисини тарайтишни, пәқәт әң еғир дәриҗидики делоларға қарита өлүм җазаси қоллинишни тәләп қилди.
Мухбиримиз миһрибан
2010.02.10
Share on WhatsApp
Share on WhatsApp

Хитай али сот мәһкимисиниң баянатчиси бүгүн шинхуа агентлиқи мухбириға баянат берип, чаршәнбә күни елан қилинған бу лайиһә, хитайда 2006 - йили тунҗи қетим тәстиқланған мәһбусларға қарита шәпқәтлик болуш, кәң сиясәт қоллиниш принсипиға асасән бекитилгәнликини билдүргән.

У сөзидә йәнә, хитай алий сот мәһкимисиниң җайлардики сот мәһкимилиридин, йеңи лайиһигә асасән өсмүр җинайәтчиләр һәм яшанған җинайәтчиләргә қарита кәңри сиясәт қоллиниши керәкликини, өз һоқуқидин қалаймиқан пайдиланған һөкүмәт хадимлириға қаттиқ чарә көрүлидиғанлиқини билдүргән.

Хәвәрләрдин мәлум болушичә, 2008 - йили хитайда 1718 кишигә өлүм җазаси берилгән. Һазир хитайда 60 нәччә хил җинайәткә қарита өлүм җазаси бериливатқан болуп, бу йилларда хитайда сиясий җинайәтчиләргә қарита өлүм җазаси бериш нисбити барғанчә ешип бериватмақта икән.

Хәлқара инсан һәқлири тәшкилатлири хитайдики өлүм җазасиға қарита үзлүксиз әйибләш елип бериватқан болуп, болупму бултур 5 - июл вәқәсигә қарита елип берилған сотларда 26 нәпәр уйғурға өлүм җазаси берилиши дуня уйғур қурултийи қатарлиқ уйғур тәшкилатлириниң, хәлқара кишилик һоқуқ тәшкилатлириниң һәм демократик дөләтләрниң қаттиқ әйиблишигә учриған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.