Хитай өлкилиридә оқуватқан уйғур оқуғучилар “шинҗаң” чә башқурулмақта

Хитай өлкилиридә тәсис қилинған шинҗаң толуқ оттура синиплирида 8 йил оқутқучилиқ қилған бир хитай оқутқучиниң уйғурбиз ториға ашкарилишичә, нөвәттә хитай өлкилиридә оқуватқан уйғур оқуғучиларниң тәрбийилиниши мәйли дәрслик, мәйли башқуруш түзүми җәһәттин болсун, охшаш мәктәптики хәнзулар оқуватқан синиплардин тамамән пәрқлиқ икән.
Мухбиримиз шөһрәт һошур
2012.09.24

“уйғур оқуғучилар бу йәрдиму шинҗяңчә башқурулмақта” дәп шикайәт қилған мәзкур оқутқучи, мәктипидики уйғур оқуғучиларға қарита сиясий өгиниш вә сиясий тәлим тәрбийиниң көплүкини, шундақла уларниң намаз оқуш вә роза тутуш қатарлиқ диний паалийәтлириниң назарәт қилинидиғанлиқини паш қилған. Мәзкур оқутқучиниң билдүрүшичә, уйғур оқуғучиларниң дәрслик мәзмуни вә башқурулуш түзүми уйғур аптоном районлуқ маарип назарити тәрипидин бекитилгән.

Мәлум болушичә, мәзкур мәктәпләрниң рәһбәрлири билән аптоном районлуқ маарип назарити әвәткән мәсул хадим арисида оқуғучилар мәсилилирини бир тәрәп қилишта давамлиқ ихтилап көрүлмәктә. Йеқинда бир уйғур оқуғучиниң намаз оқуғанлиқи байқалғини үчүн уйғур районидин әвәтилгән мәсул хадим у оқуғучини мәктәптин һәйдәшни тәләп қилған, мәктәп рәһбәрлири болса, бундақ кичиккинә бир мәсилә сәвәблик бир кишиниң һаятини набут қилишқа болмайдиғанлиқини билдүрүп нисбәтән юмшақ җаза бәргән.

Бу әһвалларни паш қилған мәзкур оқутқучи әгәр уйғур оқуғучиларни “шинҗаң” чә башқуруш йәнә давамлашса өзиниң мәзкур синипларда дәрс өтүштин ваз кечишни ойлишиватқанлиқини ейтқан.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.