Uyghur élidiki qatnash nazaritining nahiye derijilik xitay emeldari parixorluq bilen 10 yil késildi

Uyghur élige da'ir qanun uchurlirigha qarighanda, yéqinda ürümchi saybagh rayonluq sot mehkimisi, Uyghur aptonom rayonluq qatnash nazaritining, hoqoqidin paydilinip 200 ming yu'en pare yigen nahiye derijilik bir kadiri üstidin sot échip, uninggha on yilliq qamaq jazasi höküm qilghan.
Muxbirimiz gülchéhre
2009-04-30
Share

Jang famililik bu parixor kadir bu yil 53 yashta bolup ilgiri u altay wilayetlik qatnash bashqurush idarisining birinchi qol bashliqi bolghan, ötken yili 2 - ayda qatnash nazaritige nahiye derijilik kadir süpitide yötkep kélin'gen iken.

Jangning parixorluq délosigha qarighanda, u 2005 - yili we 2007 - yilliri jem'iy 200 ming yu'en pare yigen. Sot uning bu jinayiti üchün 10 yilliq qamaq jazasi höküm qilghandin bashqa 200 ming yu'en etrapidiki shexsi mülkini musadire qilip, siyasiy hoqoqidin bir yil mehrum qilghan.

Uyghur aptonom rayonluq qatnash nazariti Uyghur élidiki döletning tür meblighi eng köp, tapawitimu yuqiri bolghan organning biri bolup kelmekte. Qatnash nazaritining ilgiriki sabiq Uyghur naziri aman haji parixorluq jinayiti bilen qolgha élinip jazalan'ghan idi, emma xitay hökümiti hazirgha qeder aman hajining wezipisidin qaldurulush sewebini, uning jinayitini hem uni qandaq qanuniy jazagha buyrighanliqini mexpiy tutmaqta.

Aman haji délosining Uyghur élining yuqiri derijilik xitay emeldarliri bilen chétishliqi barliqi heqqide inkaslar peyda bolghan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet