Changjang we xu'angxé derya déltisigha jaylashqan 100 milyon adem qurghaqchiliq apitige uchrishi mumkin

Xitayning changjang we xu'angxé deryalirining su menbesi éghir derijide kémeygen bolup, bu mezkur derya déltisigha jaylashqan 100 milyon ademning qurghaqchiliq apitige uchrash tehditini peyda qilghan.
Muxbirimiz jüme
2010.04.12

Teywen merkiziy agéntliqining xewer qilinishiche, yéqinda xitaydiki bir qisim ammiwi tekshürüsh etriti mezkur deryalarning su menbesige a'it ikki yürüsh sélishturma foto süretni körgezmide élan qilghan. Sélishturush netijisige qarighanda, deryalarning su béshi 30 yildin buyanqi eng éghir derijide kémiyish halitige chüshüp alghan.

Melum bolushiche, körgezmige xitay fotograf ru süy 1970 - we 1976 ‏- yilliri taratqan xu'angxé we changjang deryalirining su béshidiki muz taghlarning ikki parche resimi bilen, tekshürgüchiler 2009 - we 2010 - yili oxshash orunda tartqan bir yürüsh resimler birge qoyulghan.

2009 - Yili tartilghan sürette 1979 - yili tartilghan muz taghning alliqachan érip ketkenliki ashkarilan'ghan. Ötkenki nechche on yil jeryanida su béshining u yer - bu yerliride azraq kölchekler qalghanni hésabqa almighanda, ilgiriki keng ketken köller ghayib bolghan.

Bu xil özgirishlerni yershari xaraktérlik issip kétish hadisisi keltürüp chiqarghan bolushi mumkin iken. Mutexessislerning qarishiche, yershari xaraktérlik issip kétish hadisisini atmosféradiki karbon töt oksid gazining köpiyip kétishi keltürüp chiqiridiken.

Xitay aldinqi yili dunyadiki atmosférani eng éghir bulghaydighan dölet qatarigha ötken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.