Xitay da'iriliri rastinla uchur erkinlikini qoyuwettimu

Royétirs agéntliqida bu heqte bérilgen xewerge qarighanda, xitay da'iriliri heqiqeten hökümetke eks tesir körsitidighan uchurlarni bir qeder erkin qoyuwetken bolsimu, emma yenila axbarat élan qilish wastisi bilen sezgür uchurlarni basturushni dawamlashturmaqta iken.

En'giliyining waqit géziti, xitayning axbarat uchurlirigha erkinlik bérish heqqidiki buyruqining, teshwiqatqa mes'ul xitay kompartiyisi siyasiy byurosi teripidin biwaste chüshürülgenlikini tilgha alghan.

Biraq, waqit géziti":bu xitayning axbarat erkinlikini pütünley kapaletke ige qilghanliqining emes, eksiche 1 milyard 300 milyon xelqning uchurgha ige bolush erkinlikini yenila kontrol qiliwatqanliqining ipadisi" dep körsetken.

Xitay ziyaliylirining bildürüshiche, nöwette hökümet xelqning naraziliq heriketlirini yoshurushqa ajizliq qiliwatqan bolup, kishilerning kishilik hoquq we erkinlikke bolghan éngining yuqiri kötürülüshige, bolupmu intérnétke oxshash uchur wastilirining tereqqiyatigha egiship, ammining démokratiyige bolghan intilishi kündin - kün'ge kücheymekte iken.