Jenubiy xitaydiki guyju ölkiside yer tewrep 7 adem öldi

Jenubiy xitaydiki guyju ölkiside yer tewresh yüz bérip, yer tewresh keltürüp chiqarghan yer gümürülüsh hadiside 7 adem öldi.
Muxbirimiz jüme
2010-01-18
Share

Xitaydiki yer tewresh idarisi xadimlirining düshenbe küni bildürüshiche, yer tewresh xitayning guyju ölkisi güyyang shehirige yéqin bir rayonda yekshenbe küni chüshtin kéyin yüz bergen.

Birleshme agéntliqining neqil qilishiche, güyyang sheherlik yer tewresh idarisi bayanatchisi tyen shyang, gerche bu nöwetlik yer tewresh derijisi 3.4 Bal etrapida bolsimu, tewreshte ikki orunda tagh gümürülüsh hadisisi körülgenlikini, netijide taghdin ghulap chüshken yoghan tashlarning eng az dégende yette ademni mijip öltürgenlikini ilgiri sürgen.

Hadiside ikki adem éghir derijide yarilan'ghan we bir adem yoqap ketken. Jenubi xitaygha jaylashqan guyju we sichü'en ölkiliri yer tewresh belwéghigha jaylashqan bolup, 2008 - yili mayda sichü'ende 7.9 Bal yer tewrep 90 minggha yéqin adem ölgen we yene nurghun adem öy makansiz qalghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet