Хитай соти сәнлу гуруһиниң 5 хадими үстидин һөкүм елан қилди

Шиҗуаҗуаң оттура хәлиқ сот мәһкимиси пәйшәнбә күни, зәһәрлик сүт парашоки истимал қилиш сәвәбидин 6 нәпәр бовақниң өлүмини кәлтүрүп чиқарған дилоға мунасивәтлик 2 кишигә өлүм җазаси, 3 кишигә мүддәтсиз қамақ җазаси иҗра қилди.
Мухбиримиз әқидә
2009-01-22
Share

Әнглийә б б с радио - телевизийә ширкитиниң бу һәқтә бәргән хәвиридә, һөкүм иҗра қилинған 5 киши сәнлу зәһәрлик сүт парашокиниң ишләпчиқирилиши вә сетилишиға бивастә мәсул кишиләр икәнлики, бу хитай даирилириниң сәнлу сүт парашоки дилоси үстидин тунҗи қетим һөкүм чиқириши һесаблинидиғанлиқи баян қилинған.

Өткән йили зәһәрлик сүт парашоки истимал қилиш сәвәбидин 300 миң бовақ кесәлгә гириптар болған иди. Шу сәвәблик сүт парашокиға меламин маддиси қошқан сәнлу гуруһиниң икки нәпәр хадими өлүм җазасиға һөкүм қилинди.

Сот мәһкимиси, сәнлу сүт парашоки гуруһи тәрипидин садир қилинған дилодики әң юқири әмәлдар йәни баш дириктор тйән венхуани мүддәтсиз қамақ җазаси билән җазалиған, бирақ зиянкәшликкә учриғучиларниң аилиси вә адвокатлар дилоға мунасивәтлик һөкүмәт хадимлириниң җазаға тартилишини, шуниңдәк мәсулйити еғир һесабланған тйән венхуаниң үлүм җазасиға тартилиши керәкликини билдүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт