Xitay soti senlu guruhining 5 xadimi üstidin höküm élan qildi

Shiju'aju'ang ottura xeliq sot mehkimisi peyshenbe küni, zeherlik süt parashoki istimal qilish sewebidin 6 neper bowaqning ölümini keltürüp chiqarghan dilogha munasiwetlik 2 kishige ölüm jazasi, 3 kishige müddetsiz qamaq jazasi ijra qildi.
Muxbirimiz eqide
2009-01-22
Share

En'gliye b b s radi'o - téléwiziye shirkitining bu heqte bergen xewiride, höküm ijra qilin'ghan 5 kishi senlu zeherlik süt parashokining ishlepchiqirilishi we sétilishigha biwaste mes'ul kishiler ikenliki, bu xitay da'irilirining senlu süt parashoki dilosi üstidin tunji qétim höküm chiqirishi hésablinidighanliqi bayan qilin'ghan.

Ötken yili zeherlik süt parashoki istimal qilish sewebidin 300 ming bowaq késelge giriptar bolghan idi. Shu seweblik süt parashokigha mélamin maddisi qoshqan senlu guruhining ikki neper xadimi ölüm jazasigha höküm qilindi.

Sot mehkimisi, senlu süt parashoki guruhi teripidin sadir qilin'ghan dilodiki eng yuqiri emeldar yeni bash diriktor tyen wénxu'ani müddetsiz qamaq jazasi bilen jazalighan, biraq ziyankeshlikke uchrighuchilarning a'ilisi we adwokatlar dilogha munasiwetlik hökümet xadimlirining jazagha tartilishini, shuningdek mes'ulyiti éghir hésablan'ghan tyen wénxu'aning ülüm jazasigha tartilishi kéreklikini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet