Mikro zerrichilerdin zeherlen'gen yette neper xitay qizning ikkisi ölüp ketken

Béyjing etrapidiki bir zawutta ximiyilik mikro zerrichilerdin zeherlen'gen yette neper xitay qizning ikkisi ölüp ketken.
Muxbirimiz jüme
2009-08-19
Share

Roytérs agéntliqida neqil élip körsitishiche, tekshürgüchiler bu qizlarning sir zawutida nechche ay ishlesh jeryanida, mikro zerrichiler tüpeyli öpkisi menggülük zexmige uchrighanliqini körsetken. Bu heqtiki tetqiqat netijiliri, yawropa nepes yolliri jurnilida élan qilin'ghan.

Xewerde otturigha qoyulushiche, mikro zerriche téxnologiyisi, girim buyumliri, yémeklik orap - qachilash, éléktronluq mehsulatlar sana'iti saheside ishlitilidiken. Halbuki, mikro zerrichilerning ademge zexmet élip kélish hadisisi ilgiri körülüp baqmighan iken.

Bu heqtiki tekshürüshni, béyjing chawyang doxturxanisidiki mutexessisler élip barghan.

 Ular tekshürüsh arqiliq, mezkur qizlarning kökrek boshluqi yürek etrapini ziyade suyuqluq qaplap ketkenliki, suyuqluqta körünerlik derijide mikro zerrichiler bayqalghanliqi éniq delilligen. Melum bolushiche, bu qizlar sir zawutida, 5 aydin, 13 ayghiche ishligen iken.
 
Xitayda xizmet ornida zeherlinish hadisisi köp körülidu. Ötken ayda jilin ölkisige jaylashqan "jilin kang neyér ximiye zawuti" chiqarghan zeherlik maddilar, qoshna zawuttiki 1200dek ishchini zeherligen we bularning köp qismi yataqqa élin'ghan idi. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet