Xitayning xénen ölkiside 1000gha yéqin ösmür qoghushun bilen zeherlendi

Xitay axbaratida körsitishiche, tekshürüsh netijiside bu ösmürlerning qan terkibidiki qoghushun miqdari intayin yuqiri chiqqan.
Muxbirimiz jüme
2009.10.14

Shinxu'a axbaratida xewer qilinishiche, mezkur yuqumlinish hadisisi xénen ölkisining jiyüen shehiride yüz bergen. Melum bolushiche, shenshi ölkiside qoghushun bilen yuqumlinish hadisisi körün'gendin kéyin, xénen ölkisi jiyüen sheherlik sehiye da'iriliri 14 yashtin töwen 2743 neper ösmür ustidin tekshürüsh élip barghan. Netijide 968 neper ösmürning qan terkibide qoghushundin zeherlinish alametliri körün'gen.

Xewerde körsitishiche, jiyüen shehiride 35 qoghushun éritish zawuti bar bolup, 53 yildin béri qoghushun ishlepchiqirip kelmekte iken.

Jiyüen shehirining bashliqi yuqumlinishning uzun mezgillik bulghinishtin kélip chiqqanliqini ilgiri sürgen. Bu xitayda shu xildiki eng yéngi yuqumlinish hadisisi bolup, ötkenki bir nechche ay ichide shenshi, yünnen we fujyen ölkiliridimu minglighan ösmürler qoghushun bilen yuqumlinip yataqqa élin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.