Xitayda siyasiy islahat élip bérishni teshebbus qilghan ziyaliy qolgha élindi

Xitayda siyasiy islahat élip bérishni teshebbus qilghan ziyaliy lyu shawbo bügün qolgha élindi. Birleshme agéntliqining bayan qilishiche, xitayda élan qilin'ghan 'ikki ming sekkizinchi yil xartiyisi' ni yazghan musteqil yazghuchi lyu shawbo xitayda kishilik hoquqni qoghdashni, emeldarlarni ochuq - ashkara saylashni, xelqning pikir qilish, din'gha étiqad qilish erkinlikini yolgha qoyushni, kommunist partiyining herbiy qisimlargha, hökümetke, sot mehkimilirige bolghan kontrolluqigha xatime bérishni teshebbus qilghan idi. U, shu sewebtin bultur 12 ‏ - ayning 8 ‏ - küni nezerbentke élin'ghan idi.
Muxbirimiz weli
2009-06-24
Share

Emdi 7 ay ötkende, béyjing sheherlik jama'et xewpsizlik idarisi lyu shawboning xotunigha ' sotsi'alistik döletni aghdurush jinayiti ötküzgen lyu shawbo 2009‏ - yil 6‏ - ayning 23‏ - küni sa'et 11 de qolgha élindi' dep uqturghan. Uninggha jinayi ishlar qanunining 105 ‏ - maddisi buyiche eng köp bolghanda 15 yilliq qamaq jazasi höküm qilinishi mumkin iken.

Amérika awazining bayan qilishiche, xitaydiki musteqil qelemkeshler jem'iyitining mu'awin bashliqi jang chishéng xitay hökümitining musteqil yazghuchi lyu shawboni qolgha alghanliqigha qattiq naraziliq bildürdi we 'kommunist partiyining jinayi ishlar qanunidiki 105‏ - madda mexsus dölet puqralirining pikir bayan qilish erkinlikini basturush üchün ziyankeshlik qilidighan wehshi qanun' dep körsetti.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet