Хитайдики даңлиқ әйдиз паалийәтчиси америкиға қечип кәлди

Хитайдики даңлиқ әйдиз паалийәтчиси вен йәнхәй хитай һөкүмитиниң паракәндичилик селиши сәвәбидин америкиға қечип кәлди.
Мухбиримиз җүмә
2010.05.10
Share on WhatsApp
Share on WhatsApp

Дүшәнбә күни бу һәқтики хәвәрни вен йәнхәй бейҗиңдики бирләшмә агентлиқиға өзи билдүргән. Вен йәнхәй бейҗиңдики "әйҗишиң әйдиз җәмийити" ниң қурғучиси иди. Униң билдүрүшичә, хитай һөкүмити униң аилиси вә әйдиз җәмийитигә паракәндичилик селишни тохтатмиғанлиқи үчүн, у ахири аилиси билән хитайдин қечип чиққан.

Хәвәрдә көрситишичә, вен йәнхәй пәйшәнбә күни хитайдин йолға чиққан вә хоңкоңда айропилан алмишип америкиға йетип кәлгән. У һазир филаделфийә штатидики бир достиниң өйидә туруватқан икән.

Хәвәрдә нәқил қилинишичә, вен: "хитай һөкүмити маңа вә тәшкилатимға қаратқан һуҗумлирини барғанчә кәскинләштүрди. Мән өз бихәтәрликимдин бәк әнсирәп, еғир бесим ичидә қалған идим" дегән.

Вен йәнә мундақ дегән. " Әгәр мән хитайда болсам улар маңа қәпәс ичидики қуштәк муамилә қилатти вә гепимизни аңлимисаң сени йәветимиз дәйтти."

Вен йәнхәй әсли уйғур елидики педагогика университетида оқуған. У, әйни вақитта җигәр яллуғиға гириптар болғучиларниң мәктәптин чекиндүрүлүшигә қарши һәрикәт қозғап, мәктәптин һәйдәлгән иди.

Вен йәнхәй кейин бейҗиңда "әйҗишиң әйдиз җәмийити" ни қуруп, хитайдики әйдиз бимарлириға ярдәм қилишини башлиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.