Xitayda mongghullarning kimliki yoqalmaqta

Mongghullar hazir kimliki pütünley yoqulush xewpige duch kelmekte. Mongghullarning kishilik hoquqigha köngül bölgenliki üchün xitay kommunist hökümiti teripidin besh ay türmige tashlap héchqandaq soraq qilmayla qoyup bérilgen jiranbayarin soyol roéytérs agéntliqning muxbirigha 'xitay hökümiti mongghul jama'itining turmush muhitini özgertishke bashlap 40 yildin kéyin, biz mongghullar xitay medeniyiti dégen hawada buruqturma bolup tügishey déduq.
Muxbirimiz weli
2008.10.29

Chet'ellerde turuwatqan xitayning az sanliq milletliri chuqum mongghullargha köngül bölüshi kérek, undaq bolmisa tibetler, Uyghurlarmu, mongghullardinmu yaman ehwalgha qalidu' dégen.

Xewer arxiplirigha qarighanda, mongghullar 13 ‏ - esirde chinggizxanning yétekchilikide nahayiti chong impératorluq qurup jahan'gha tonulghan. 1949 ‏ - Yili xitay kommunist partiyisi hakimiyet qurghandin kéyinla özige eza qiliwalghan mongghullardin paydilinip, pütün mongghul xelqini 'aptonom rayon' dégen séstimigha baghliwalghan.

Uningdin kéyin mongghul yurtlirigha xitaydin köchmen ekilip, yer igilitip, mongghul tilini cheklep, mongghullarni 'yerlik milletchi', 'bölgünchi' dep jazalap parchilighan. Xitay kommunist hökümiti mongghullarni 'mongghul xelq partiyisi' ning ezaliri dégen bednam bilen qirghan. Bu jeryanda 'xitay medeniyiti' ni kéngeytish arqiliq mongghullarning milliy kimlikini yoqitishqa bashlighan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.