'Xitaydiki shexsi karxanilar muxbirlarni zerbe bérish nishani qilmaqta'

Chégrisiz muxbirlar teshkilati bügün doklat élan qilip, xitaydiki muxbirlarning bir qisim shexsi igidarchiliqidiki we hetta dölet igidarchiliqidiki karxanilarning zerbe bérish nishanigha aylinip qalghanliqini bildürdi.
Muxbirimiz irade
2010-08-26
Share

Doklatta éytilishiche, xitaydiki bir qisim shexsi karxanilar mehsulatliri, zawut - karxanilardiki chiriklik, saxtipezlikke da'ir mesililer toghrisida xewer yazghan muxbirlarni öch élish obyékti qiliwalghan. Istémalchi xelqqe paydiliq emma, karxanichilargha ziyanliq xewer yazghan bu muxbirlar karxana igilirining düshminige aylan'ghan. Ular oxshimighan orun we yerlerde namelum kishilerning hujumigha uchrighan hetta ölüm xewipigimu yoluqqan.

Chégrisiz muxbirlar teshkilati doklatida, "biz xitay hökümitidin jiddiy tedbir élip, özining hayatiy bixeterliki bedilige bu karxanilar heqqide xewer yéziwatqan muxbirlarni qoghdishini telep qilimiz," deydu.

Doklatta éytilishiche, bu karxanilar shu yerdiki saqchi we bezi axbarat organlirining munasiwetlik xadimlirinimu sétiwalghan bolup, karxana we mehsulatliri heqqide menpiy xewerlerning bérilishini qattiq kontrol qilip, xelqning salametlikige tesir yetküzmekte we shundaqla muxbirlarning hayatiy bixeterlikini tehdit qilmaqta iken.

Teshkilat doklatida xitaydiki muxbirlarning axbarat erkinlikining cheklimige uchrash mesilisining yéngiliq emeslikini, emma ularning hoquqlirining xitaydiki shexsi zawut - karxanilar teripidinmu ayaq - asti qiliniwatqanliqini we hayati xewpke uchrash mesilisining diqqet qilishqa tégishlik bir mesile ikenlikini, buning xitayda kündin - kün'ge éghirlishiwatqanliqini tekitleydu we buninggha qarita hökümetni derhal tedbir élishqa chaqiridu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet