Японийиниң чәтәлдики дипломатик органлириниң компютерлири юқтурувалған вирусниң хитайдин йолланғанлиқи билдүрүлди

Японийә ахбарат васитилириниң хәвәр қилишичә, японийиниң чәтәлдики дипломатик органлириниң компютерлири юқтурувалған вирусиниң хитайға учур йоллаш иқтидариға игә қилип лайиһиләнгәнлики ениқланған.
Мухбиримиз әркин
2011-10-28
Share

Японийә “юмури шимбун” гезитиниң бу һәқтики хәвиридә, чәтәлдики 10 японийә әлчихана вә консулханилириниң мәзкур вирустин юқумланғанлиқи, оғриланған учурларни қобул қилғучи мулазиметирлардин, аз дегәндә иккисиниң хитайда икәнликини билдүргән.

Хәвәрдә илгири сүрүшичә, вирусниң тор қолланғучиларниң кимлики вә башқа учурлирини сирттикиләргә йоллаш, компютер қолланғучидин атлап өтүш иқтидариға игә икән.

Мәзкур гезитниң хәвиридә йәнә, мәзкур вирус учур йоллайдиған мулазиметирларниң тизимлатқан адреси, буниңдин бурун “гугул” қатарлиқ тор бәтлиригә һуҗум қилған адрес билән охшаш икәнликини билдүргән.

“юмури шимбун” гезити буниңдин бирқанчә күн илгири японийиниң фирансийә, голландийә, берма, америка, канада, хитай вә җәнубий корейә қатарлиқ әлләрдики дипломатик органлириниң компютерлирида вирус байқалғанлиқини хәвәр қилған.

Японийә һөкүмитиниң баянатчиси осаму фуҗимура җүмә күни вирус һәққидә тохтилип, мәхпий учурларниң оғриланмиғанлиқи, лекин вирусниң ким тәрипидин йолланғанлиқи вә қандақ типлиқ вирус икәнлики һәққидә учур беришни рәт қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт