Yaponiyining chet'eldiki diplomatik organlirining kompyutérliri yuqturuwalghan wirusning xitaydin yollan'ghanliqi bildürüldi

Yaponiye axbarat wasitilirining xewer qilishiche, yaponiyining chet'eldiki diplomatik organlirining kompyutérliri yuqturuwalghan wirusining xitaygha uchur yollash iqtidarigha ige qilip layihilen'genliki éniqlan'ghan.
Muxbirimiz erkin
2011-10-28
Share

Yaponiye “Yumuri shimbun” gézitining bu heqtiki xewiride, chet'eldiki 10 yaponiye elchixana we konsulxanilirining mezkur wirustin yuqumlan'ghanliqi, oghrilan'ghan uchurlarni qobul qilghuchi mulazimétirlardin, az dégende ikkisining xitayda ikenlikini bildürgen.

Xewerde ilgiri sürüshiche, wirusning tor qollan'ghuchilarning kimliki we bashqa uchurlirini sirttikilerge yollash, kompyutér qollan'ghuchidin atlap ötüsh iqtidarigha ige iken.

Mezkur gézitning xewiride yene, mezkur wirus uchur yollaydighan mulazimétirlarning tizimlatqan adrési, buningdin burun “Gugul” qatarliq tor betlirige hujum qilghan adrés bilen oxshash ikenlikini bildürgen.

“Yumuri shimbun” géziti buningdin birqanche kün ilgiri yaponiyining firansiye, gollandiye, bérma, amérika, kanada, xitay we jenubiy koréye qatarliq ellerdiki diplomatik organlirining kompyutérlirida wirus bayqalghanliqini xewer qilghan.

Yaponiye hökümitining bayanatchisi osamu fujimura jüme küni wirus heqqide toxtilip, mexpiy uchurlarning oghrilanmighanliqi, lékin wirusning kim teripidin yollan'ghanliqi we qandaq tipliq wirus ikenliki heqqide uchur bérishni ret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet