Sichüendiki yer tewreshke qilin'ghan yardem pulining 80% i hökümetning chöntikige chüshken

Xitayche b b s xewer torining bildürüshiche, ötken yili sichüende yüz bergen yer tewresh üchün qilin'ghan yardem pulining 80 % i hökümetning chöntikige chüshken.
Muxbirimiz shohret hoshur
2009.08.14

Bu ehwalni chingxu'a uniwérsitétiki bir musteqil tetqiqat orni bayqighan. Bu tetqiqat merkizining éniqlishiche, ötken yili sichüendiki yer tewreshke jem'iy 76 milyard yüen i'ane toplan'ghan. Bu pulning 20% i qizil kirist jem'iyiti we jungxu'a saxawet merkizi qatarliq xeyr - saxawet orunlirining hésabigha, qalghan 80% i hökümetning hésabigha yatquzulghan.

Mezkur tetqiqat merkizi tekshürüsh jeryanida, eslide hökümet terep özi pul chiqirishi kérek bolghan bir qisim qurulushlargha i'ane pulining ishlitilgenlikini bayqighan. Chingxu'a uniwérsitétining tetqiqat guruppisi yuqiriqi ehwalini ashkarilighandin kéyin, jem'iyette küchlük naraziliq peyda qilghan. Hökümetmu bu heqte izahat bérishke mejbur bolghan.

Hökümet terep bu heqtiki izahatida xeyr - saxawet teshkilatlirining téxi ajiz halette ikenlikini, shunga i'ane pulini toghra ishlitish üchün pulni özliri tutuwatqanliqini bildürgen. Musteqil közetküchiler bolsa, xitayda xeyr - saxawet qurulushlirining ajiz bolushida döletning mes'uliyiti barliqini, xitayda téxiche xeyr - saxawet qanuni yoqluqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.