Amérika dölet mejlisi ezaliri xitaygha imbargo qoyush tehditide boldi

Dolet mejlisidiki démokratik we jumhuriyetchi ezalar prézidént obamaning xitaydin xelq pulining qimmitini erkin qoyuwétishke munasiwetlik héchqandaq wede alalmighanliqini eskertip, amérika soda ministirliqini "xitayning pul -mu'amile manapoliyisi"üstidin tekshürüsh élip bérishqa chaqirghan.

Amérika démokratik kéngesh palata ezasi charlis shumir we jumhuriyetchi kéngesh palata ezasi lindséy graxamlarning amérika soda ministirliqigha yazghan bu heqtiki xétide " eger soda ministirliqi xitay yolgha qoyghan pul siyasitining xelq'ara kélishimge xilap qoshumche yardem ikenlikini bayqisa, xitaygha éghir jaza qoyulushi mumkin" digen.

Xelq pulining qimmiti mesilisi prézidént obamaning bu qétimqi xitay ziyaritide terepler kélishelmigen mesililerning biri idi. Obama hökümiti bush hökümitining mezkur mesilidiki meydanini dawamlashturup, xitayni pul qimmitini kontrol qiliwatqan dölet, dep élan qilishni ret qilip keldi.

Amérika dölet mejlisining qarmiqidiki amérika - xitay iqtisadi we bixeterlik közitish komitéti peyshenbe küni élan qilghan xitay heqqidiki doklatta, xitayning pul qimmitini kontrol qilish siyasitining amérika iqtisadigha körsitiwatqan tesirini azaytidighan qanun chiqirishni teklip qilghan.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar