Dunya Uyghur qurultiyi xelq'ara kishilik hoquq künide bayanat élan qildi

10-Dékabir xelq'ara kishilik hoquq küni munasiwiti bilen dunya Uyghur qurultiyi bayanat élan qilip xitayning yéngi rehberlik guruppisini, Uyghur élide yürgüzülüwatqan basturush siyasitini toxtitishqa chaqirdi.
Muxbirimiz shöhret hoshur
2012.12.10

Qurultay bayanatchisi dilshat bügün muxbirlargha qilghan sözide, xitay hakimiyiti xu jintaw dewrige kelgendimu Uyghurlarning yene bir qatar apet xaraktérlik weqelerni bashtin kechürgenlikini, bu weziyetning tesirining rayonda hélihem dawam qiliwatqanliqini eskertti.

5-Iyuldin kéyinki ghayiblar mesilisini, “Sherqi türkistanda yürgüzülüwatqan dölet térrorining inkarsiz pakiti” dep körsetken dilshat rishit, xitayning yéngi rehberlik qatlimini rayonda künséri yamanlishiwatqan weziyetni onglash üchün emeliy qedem bésishqa chaqirdi. Xelq'ara siyasiy we ijtima'iy heqler ehdinamisidiki kishilik we milliy hoquqlarni eslitip ötken dilshat rishit, xitay hökümitidin 5-iyul weqesige qaytidin baha bérishni, 5-iyulgha chétilip qolgha élin'ghanlarni qoyup bérishni we ghayiblarning ehwali heqqide ularning a'ile-tawabi'atlirigha derhal melumat bérishni telep qildi.

Bügün amérika Uyghur birleshmisimu bayanat élan qilip, xitayning yéngi dölet re'isi shi jinpingni Uyghur rayonda yillardin béri yürgüzülüp kéliwatqan basturush siyasitige xatime bérishke chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.