Хилларий клинтон хитайни дунядики йеңи орниға лайиқ иш қилишқа чақирди

Америка дөләт ишлири министири хилларий килинтон «хитай дуня җамаәтчиликини өзиниң иҗабий рол ойнайдиған бир дөләт болидиғанлиқиға ишәндүрүши керәк» деди.
Мухбиримиз ирадә
2012-03-08
Елхәт
Пикир
Share
Принт

Хилларий килинтон бу сөзни америкиниң сабиқ президенти ричард никсонниң 1972-йили хитайға тунҗи қетим зиярәт елип барғанлиқиниң 40 йиллиқини хатириләш мунасивити билән өткүзүлгән йиғинда қилған.

Ройтерсниң хәвәр қилишичә, хилларий ханим йиғинда хитайниң хәлқарадики тәсириниң күнсайин ешип бериватқанлиқини, шуңа униң бу йеңи орниға лайиқ иш қилиши керәкликини әскәртип, «хитай пәқәт хәлқарадики өзи халиған қаидиләргә әгишиш биләнла болди қилмай, бәлки сүрийә мәсилисигә охшаш хәлқаралиқ мәсилиләрдә дуняға пайдилиқ, иҗабий рол ойниши керәк» деди.

Хитай билән америка нурғун мәсилиләрдә изчил һалда пикир бирлики һасил қилалмай кәлмәктә. Болупму йеқинқи йиллардин буян хитайниң пул қиммити мәсилиси, кишилик һоқуқ хатириси, җәнубий деңизниң игилик һоқуқ мәсилиси вә шуниңдәк һазир давам қиливатқан сүрийә кризисиға охшаш бир қатар хәлқаралиқ мәсилиләрдә бу зиддийәт техиму рошән оттуриға чиққан иди.

Пикирләр (0)
Share
Толуқ бәт