Xillariy klinton xitayni dunyadiki yéngi ornigha layiq ish qilishqa chaqirdi

Amérika dölet ishliri ministiri xillariy kilinton "Xitay dunya jama'etchilikini özining ijabiy rol oynaydighan bir dölet bolidighanliqigha ishendürüshi kérek" dédi.
Muxbirimiz irade
2012-03-08
Élxet
Pikir
Share
Print

Xillariy kilinton bu sözni amérikining sabiq prézidénti richard niksonning 1972-yili xitaygha tunji qétim ziyaret élip barghanliqining 40 yilliqini xatirilesh munasiwiti bilen ötküzülgen yighinda qilghan.

Roytérsning xewer qilishiche, xillariy xanim yighinda xitayning xelq'aradiki tesirining künsayin éship bériwatqanliqini, shunga uning bu yéngi ornigha layiq ish qilishi kéreklikini eskertip, "Xitay peqet xelq'aradiki özi xalighan qa'idilerge egishish bilenla boldi qilmay, belki süriye mesilisige oxshash xelq'araliq mesililerde dunyagha paydiliq, ijabiy rol oynishi kérek" dédi.

Xitay bilen amérika nurghun mesililerde izchil halda pikir birliki hasil qilalmay kelmekte. Bolupmu yéqinqi yillardin buyan xitayning pul qimmiti mesilisi, kishilik hoquq xatirisi, jenubiy déngizning igilik hoquq mesilisi we shuningdek hazir dawam qiliwatqan süriye krizisigha oxshash bir qatar xelq'araliq mesililerde bu ziddiyet téximu roshen otturigha chiqqan idi.

Toluq bet